ياهل العقول الواعيه والرشيدهـ
المنكر الي عمنا يبغي انكار
اسلامنا واسلوم اهلنا التليدهـ
بنو مابين الحق والباطل جدار
واوطانا صرخة تطور تشيدهـ
في مايخدم المجتمع علم واعمار
وبعض الفضائيات تبغي تبيدهـ
وتنشر مابين اجيالنا الخزي والعار
قتيلها جيل وعقول وعقيدهـ
وموت العقول اشد من قصف الاعمار
قناة ساحر حط فيها بريدهـ
يقول راسلني واعلمك وش صار
وقناة رقص ونقص والي يزيدهـ
شات كلامه يجرح اعراض الاحرار
وقناة دز اسمك سعيد وسعيدهـ
واصبر وشوف للحب نسبة ومعيار
وقناة تجمع كل جنس وضديدهـ
بين اربعة جدران من كل الاقطار
واسهر وشجع يمكن الي تريدهـ
يفوز ويسمونه العالم استار
وراعي القناة اهم حاجه رصيدهـ
لا لامته نفسه ولاخاف من نار
وترى الفضائيات فيها المفيدهـ
ماننكر انها في الدجى مثل الانوار
قناة دين علم واشياء حميدهـ
تاريخ واشعار وثقافات واخبار
بإسم الضمير اقولها في قصيدهـ
يكفي خراب بيوت وافكار وديار
